π тооны өдрийг албан бус байдлаар олон жилийн өмнөөс тэмдэглэж ирсэн. 2019 оноос албан ёсоор ЮНЕСКО 3-р сарын 14-ийг олон улсын математикийн өдөр болгон зохион байгуулахаар болсон байна.  3-р сарын 14-ийг сонгосон учир нь π тооны таслалаас хойш эхний хоёр цифрийг авбал 3.14 гэж бичдэгтэй холбоотой.

Математик, Байгалийн ухааны сургууль дээрх π  тооны өдрийг оюутнууд, багш нартай хамтран 11 дэх жилдээ тэмдэглэж байна. 2026 оны 3-р сарын 14 өдөр буюу π тооны өдөр МУБИС-ийн Математик, Байгалийн Ухааны сургууль дээр болсон  багийн тэмцээн нь

• Шатрын бодлого бодох
• 100-н буудалт даам
• Дартс
• Ой тогтоолтын тэмцээн төрлүүдээр амжилттай болж өндөрлөлөө.

Идэвхтэй оролцож эхний 3 байр эзэлсэн “Тригонометр”,  “Мат-1”, “Мат-2” багуудад баяр хүргэе. Тэмцээний нийт дүнг доор зурагт үзүүллээ.

Мөн 2026-03-12-нд “Математикийн бодлого бодох” тэмцээнийг математикийн багш мэргэжлээр суралцаж буй оюутнуудын дунд зохион байгууллаа. Энэ тэмцээнд нийт 8 баг оролцож

• I байранд 42 оноотойгоор PINK ROSE баг,
• II байранд 36 оноотойгоор AKATSUKI баг, 
• III байранд 35 оноотойгоор МАТ-3-2 баг орсон байна.